Тарҷумаи ҳол
Раҳмонов Бахтиёр Нурмаҳмадович 17.02.1989 дар Ҷумҳурии Тоҷикистон, дар оилаи деҳқон ба дунё омадааст. Соли 2007 пас аз хатми мактаби таҳсилоти миёнаи умумии № 53-и деҳаи Марғедари ш. Панҷакент бо мақсади соҳибкасб шудан ба факултаи филологияи Донишгоҳи давлатии миллии Тоҷикистон (ҳоло Донишгоҳи миллии Тоҷикистон) қабул гардида, соли 2012 онро бо тахассуси филолог – муаллими забон ва адабиёти тоҷик хатм намудааст. Аз октябри соли 2009 то майи соли 2012 раиси (масъули) маҳфили забоншиносии “Сипанди сухан”-и факултети филология будааст. Инчунин, аз 1.09.2010 то 2.02.2012 дар МТМУ №15-и ш.Душанбе ба ҳайси омӯзгор аз фанни забони арабӣ ва алифбои ниёгон дарс мегуфт. Аз 1.09.2012 то 9.06.2016 ба ҳайси ассистенти кафедраи забони тоҷикӣ (аз сентябри 2015 номи кафедра назария ва амалияи забоншиносӣ), аз 9.06.2016 то 10.05.2018 муаллими калони кафедраи кафедраи назария ва амалияи забоншиносӣ, аз 10.05.2018 то 10.07.2018 муовини декан оид ба корҳои таълимӣ-эдвайзери факултети филологияи тоҷики ДДОТ ба номи С. Айнӣ, аз 10.07.2018 то 30.06.2020 муаллими калони кафедраи кафедраи назария ва амалияи забоншиносӣ, ҳамзамон аз сентябри соли 2019 то январи соли 2022 котиби Шурои илмӣ-методии донишгоҳ, аз 30.06.2020 то ҳоло чун номзади илми филология, дотсенти кафедраи назария ва амалияи забоншиносии ДДОТ ба номи С. Айнӣ фаъолият дорад. Ба сифати корманд-унвонҷӯи кафедраи назария ва амалияи забоншиносӣ дар мавзӯи “Хусусиятҳои луғавӣ-грамматикии феъл дар “Таърихи Бухоро” рисолаи илмӣ-тадқиқотии номзадиашро соли 2019 дифоъ намуда, дар саҳифаҳои маҷаллаву маҷмуаҳои илмӣ беш аз 70 мақолаи илмии гуногунҳаҷм (аз ҷумла 18 мақола дар маҷаллаҳои тақризшавандаи назди КОА ҶТ ва ФР) вобаста ба мавзуъҳои илмии забоншиносӣ ба чоп расонидааст. Муаллифи 2 дастури таълимӣ, 3 монография, мутарҷими (баргардони) 8 китоб аз хатти арабиасос ба кириллии тоҷикӣ ва панҷ барномаи таълимӣ мебошад. Ӯ дар фаъолияти таълимӣ аз фанҳои таърихи забони адабии тоҷикӣ, грамматикаи таърихии забони тоҷикӣ, забони адабии ҳозираи тоҷик, асосҳои забоншиносӣ ба шогирдон дарс мегӯяд. Ба сифати муҳаққиқ ба таҳқиқи хусусиятҳои забонии осори классикии форсу тоҷик машғул аст.
