Тарҷумаи ҳол
Т а р ҷ у м а и ҳ о л Ман, Каримов Алихон Аҳмадович 3 апрели соли 1962 дар деҳаи Оқчар (ҳоло деҳаи Сурхдара)-и ноҳияи Восеи вилояти Хатлон таваллуд шудаам. Пас аз хатми мактаби таҳсилоти умуми соли 1979 ба Омӯзишгоҳи касбӣ-техникии № 46-и шаҳри Душанбе дохил шуда, соли 1980 онро бо ихтисоси «Слесарь механосборочных работ в холодильном установке», (Устои васлгар барои корҳои васлкунӣ механикиӣ), хатм намудам. Соли 1981 бо фармони Вазири мудофиаи ИҶШС, ба сафи Артиши Шӯравӣ барои адои хизмати ҳарбӣ даъват шудам. Пас аз анҷоми хидмати ҳарбӣ дар қувваҳои мусаллаҳи ИҶШС, соли 1983 ба курси омодагии факултаи гидромелиоративии Донишгоҳи аграрии Тоҷикистон дохил шуда, соли 1984 пас аз бомуваффақият супоридани имтиҳонҳои қабул, сазовори номи донишҷӯи факултети болозикр гардидам. Дар солҳои донишҷӯӣ, вазифаи сардори курс-ро адо карда, дар ҳама чорабиниҳои донишгоҳ фаъолона иштирок намудаам. Соли 1989, пас аз хатми донишгоҳ ба ҳайси корманди хурди илмӣ дар кафедраи “Истифодабарии системаҳои гидромелиоративи”-и факултети гидромелиоративӣ ба кор қабул шудам. Солҳои 1990–1991 дар ҳамин кафедра ҳамчун ассистент ва солҳои 1991–1997 ҳамчун омӯзгори калон фаъолият кардам. Моҳи ноябри соли 1997 тибқи фармони Вазири мудофиаи Ҷумҳурии Тоҷикистон, ба сафи Қувваҳои Мусаллаҳ Тоҷикистон аз нав даъват шудам. Солҳои 1997-2000 ба ҳайси омӯзгори калон дар кафедраи ҳарбии Донишгоҳи аграрии Тоҷикистон фаъолият карда, аз соли 2000 то соли 2002, дар асоси фармони вазири Вазорати ҳолатҳои фавқулодда ва мудофиаи граждании Ҷумҳурии Тоҷикистон, дар вазифаи Сардори ситоди ҳолатҳои фавқулодда ва мудофиаи граждании ноҳияи Варзоб (бо рутбаи майор) кор кардам. Баъди адои хизмати ҳарбӣ, аз соли 2002 то июни соли 2008 дар созмони байналмилалии башардӯстонаи CARE- International ҳамчун нозири саҳроӣ кор кардам. Пас аз ба итмом расидани барнома соли 2008 ба ҳайси омӯзгори калон дар кафедраи “Идораи Замин”-и факултаи гидромелиоративии Донишгоҳи аграрии Тоҷикистон ва муовини декан оид ба корҳои тарбиявӣ дар ҳамин факултет адои вазифа намудам. Аз моҳи марти соли 2011 то июни соли 2014 ба ҳайси директори Муассисаи давлатии "Маркази илмӣ-тадқиқоти ҳифзи захираҳои об"-и Кумитаи ҳифзи муҳити зисти назди Ҳукумати Ҷумҳурии Тоҷикистон фаъолият намудам. Марказ таҳқиқотҳоро дар бораи ташаккулёбии обҳои зеризаминӣ ва рӯизаминӣ, инчунин пешгӯии захираҳои об ва истифодаи оқилонаи он бо истифода аз усулҳои гуногуни илмӣ (геологӣ, геофизики, геохимиявӣ ва дигар илмҳои муҳандисӣ) анҷом медод. Ҳамзамон, дар вазифаи муаллими калони кафедраи “Гидрогеология ва геологияи муҳандиси”-и факултети геологияи Донишгоҳи миллии Тоҷикистон ба донишҷӯён дарс медодам. Солҳои 2014 то 2016 бо тариқи Қарордоди меҳнатӣ дар ҶСК “Сементи Тоҷик” ба ҳайси маркшейдер ва ҳамзамон 0,5 басти корӣ дар вазифаи муаллими калони кафедраи “Гидрогеология ва геологияи муҳандисӣ”-и факултети Геологияи Донишгоҳи миллии Тоҷикистонро адои вазифа намудам. Дар ин давра ҳамчун унвонҷӯи Донишгоҳи миллии Тоҷикистон дар мавзӯи «Баҳодиҳии муҳандисӣ-геономии хавфи геологии марбут ба хатарҳои селӣ дар ҳавзаи дарёи Зарафшон» (ТОҶИКИСТОНИ МАРКАЗӢ), таҳти роҳбарии Валиев Шариф Файзуллоевич— доктори илмҳои геология ва минералогия, декани факултети геологияи ДМТ — кор кардам. Аз моҳи июли соли 2017 то соли 2021 ҳамчун коршиноси техникӣ (гидролог) дар ташкилоти байналмилалии FOCUS (АГЕНТИИ ОҒОХОН ОИД БА МУҲИТИ ЗИСТ), дар шӯъбаи тадқиқоти амалиётӣ ва техникӣ (OR&T) кору фаъолият намудам. Баъди ба итмом расидани муҳлати барнома, аз соли 2022 то инҷониб дар вазифаи директори Корхонаи воҳиди давлатии илмӣ-истеҳсолии "Табиат"-и Кумитаи ҳифзи муҳити зисти назди Ҳукумати Ҷумҳурии Тоҷикистон ва 0,5 воҳиди корӣ ба ҳайси муаллими калони кафедраи “Геодезия ва геоинформатика” дар факултети “Идоракунии замин ва геодезия”-и Донишгоҳи аграрии Тоҷикистон (ДАТ) фаъолият дорам. Солҳои 2022 ва 2026 Раисии комиссияи аттестатсионии хатмро дар ихтисосҳои 1-25010711-иқтисодиёт ва идора дар корхонаҳо (саноати кӯҳӣ), 1-51020102- коркарди ККФ (амалиёти маркшейдерӣ)-и факултети геологияи Донишгоҳи миллии Тоҷикистон ба дӯш доштам. Саломатиям хуб, оиладор, панҷ фарзанд ва даҳ набера дорам. Тарҷумаи ҳолро худам навишта имзо гузоштам А. Каримов
