Тарҷумаи ҳол
ТАРҶУМАИ ҲОЛ ҶӮРАЕВ ХАЙЁМ АКРАМОВИЧ 25.06.1989 дар деҳаи Тагоби Халқи ноҳияи Панҷакенти вилояти Суғд дар оилаи кишоварз ба дунё омадааст. Соли 1996 ба синфи якум рафта, муассисаи таҳсилоти миёнаи умумии №35-и ба номи Шариф Бозори ноҳияи Панҷакентро хатм намуда, соли 2007 ба ихтисоси забони англисии Коллеҷи омӯзгории ба номи Хосият Махсумоваи ДДОТ ба номи С. Айнӣ дохил шуда, онро бо дипломи аъло ба поён расонидааст. Соли 2010 тариқи сӯҳбат ба шуъбаи рӯзонаи курси дуюми факултети забони англисии ДДОТ ба номи С. Айнӣ шомил гардида, соли 2013 онро бо дарёфти дараҷаи бакалавр бо дипломи аъло ба итмом расонидааст. Худи ҳамон сол ҳуҷҷтҳояшро ба зинаи магистратураи донишгоҳи номбурда дар риштаи забони англисӣ супорида, онро соли 2015 бо сари баланд ва дипломи аъло хатм намудааст. Инчунин дар давраҳои таҳсили магистриаш гирандаи стипендияи Президентӣ будааст. Пас аз хатми зинаи магистратура мавзуи илмии худро таҳти унвони «Таҳлили сохторӣ-маъноии истилоҳоти адабиётшиносӣ дар забонҳои тоҷикӣ ва англисӣ» зери роҳбарии д.и.ф., профессор Ҷаматов С.С. ба омӯзишу тазқиқ пардохтааст. Силсилаи мақолаҳои илмии хешро перомуни мавзуи таҳқиқотиаш дар маҷаллаҳои илмии ҷумҳуриявӣ ва байналмиллалӣ ба табъ расонидааст. Ҳамчунин дар семинару конфронсҳои илмӣ-амалӣ ва байналмилалӣ бо маърӯзаҳои илмии худ гузориш ироа намудааст. Шуруъ аз соли 2015 ба сифати ассистент дар кафедраи забоншиносӣ ва типологияи муқоисавии ДДОТ ба номи С. Айнӣ ва аз моҳи феврали соли 2018 ҳамчун саромӯзгор дар факултети забони англисӣ фаъолияти омӯзгори намудааст. Дар ин муддат 20 – адад барномаи таълимӣ ва беш аз 50 мақолаи илмию - оммавӣ ва илмиашро ба нашр расонидааст. Бояд гуфт, ки аз моҳи октябри соли 2019 и.в. мудири кафедраи умумидонишгоҳии «Забони англисӣ ҳамчун ихтисоси дуюм»-ро ба ӯҳда дошта, ба тариқи озмуни байни кафедраҳои умумидонишгоҳӣ аз моҳи марти соли 2020 гузаштааст ва айни ҳол ҳамчун мудири асосии кафедраи мазкурро то ҳол бардӯш дорад. Оиладор ва соҳиби се фарзанд мебошад. Фаъолияти илмӣ Соли 2019 натиҷаи корҳои илмии худро дар мавзуи «Таҳлили сохторӣ-маъноии истилоҳоти адабиётшиносӣ дар забонҳои тоҷикӣ ва англисӣ» ҷамъбаст намуда, рисолаи номзадиашро дар Шурои дифои назди Донишгоҳи давлатии омӯзгории Тоҷикистон ба номи Садриддин Айнӣ ҳимоя намудааст. Ас.: Монография: Таҳлили сохторӣ-маъноии истилоҳоти адабиётшиносӣ дар забонҳои тоҷикӣ ва англисӣ, ДДОТ ба номи С. Айнӣ, Душанбе, 2021. 192 с. Фарҳанги истилоҳоти адабиётшиносӣ (англисӣ-русӣ-тоҷикӣ). Ҷӯраев Х.А., Ҷӯраев Ҳ.А., Аҳмадзода К. - Душанбе: 2026, 288 с.
