Тарҷумаи ҳол
ҲОЛНОМА Ман, Ҳамробоев Насимҷон Абдуллоҷонович, шаҳрванди Ҷумҳурии Тоҷикистон, 14-уми октябри соли 1978 дар ҷамоати деҳоти Хистеварзи ноҳияи Бобоҷон Ғафурови вилояти Суғди Ҷумҳурии Тоҷикистон таваллуд шудаам. Соли 2000 факултети филологияи тоҷики Донишгоҳи давлатии Хуҷанд ба номи академик Бобоҷон Ғафуровро хатм намудаам. Солҳои 2000–2003 дар аспирантураи кафедраи адабиёти классикии донишгоҳи мазкур таҳсил кардаам. Ҳамзамон, солҳои 2000–2004 дар Маркази пажӯҳиши тамаддуни давраи Сомониён ба ҳайси ходими хурди илмӣ ва ходими калони илмӣ фаъолияти илмӣ бурдаам. Аз соли 2006 то соли 2017 дар факултети забонҳои шарқи Донишгоҳи давлатии Хуҷанд ба номи академик Бобоҷон Ғафуров дар вазифаҳои гуногун кору фаъолият намудаам. Аз ҷумла, солҳои 2006–2011 вазифаи муовини декан оид ба таълим ва солҳои 2012–2015 вазифаи декани факултети забонҳои шарқро ба уҳда доштаам. Солҳои 2015–2017 дар докторантураи кафедраи забон ва адабиёти тоҷики факултети мазкур таҳсил кардаам. Аз моҳи октябри соли 2017 то соли 2025 дар Муассисаи давлатии таълимии «Донишгоҳи давлатии Хуҷанд ба номи академик Бобоҷон Ғафуров» ба ҳайси мудири шуъбаи табъу нашри раёсати илм ва инноватсия фаъолият намуда, аз таърихи 3-юми июли соли 2025 ба вазифаи муовини ректор оид ба корҳои таълим таъйин гардидам. Соли 2004 рисолаи номзадиро ҳимоя намуда, соҳиби дараҷаи илмии номзади илмҳои филологӣ гардидаам. Соли 2012 ба гирифтани унвони илмии дотсент мушарраф шудаам ва соли 2019 рисолаи докториро ҳимоя намуда, соҳиби дараҷаи илмии доктори илмҳои филологӣ гардидаам. Дар давоми фаъолияти илмӣ ва омӯзгории худ 5 монография ва беш аз 120 мақолаи илмӣ ва илмӣ-оммавӣ таълиф намудаам, ки аз ин шумора 25 мақола дар маҷаллаҳои илмии тақризшавандаи аз ҷониби Комиссияи олии аттестатсионии Федератсияи Русия ва Комиссияи олии аттестатсионии назди Президенти Ҷумҳурии Тоҷикистон тавсияшуда ба нашр расидаанд. Соли 2014 бо нишони «Аълочии маориф ва илми Тоҷикистон» сарфароз гардидаам. Моҳи сентябри соли 2026 барои хидмат дар роҳи ободии Ватан бо медали “Хизмати шоиста” қадрдонӣ шудам. Оиладор ва соҳиби чор фарзанд мебошам.
