Тарҷумаи ҳол
Бозоров Шарифҷон Эмомалиевич, доктори илмҳои кишоварзӣ, дотсент. Соли таваллуд 4 октябри соли 1965. Зодаи Ҷумҳурии Тоҷикистон. Узви Ҳизби Халқи Демократии Тоҷикистон. Бозоров Шарифҷон Эмомалиевич соли 1988 Донишгоҳи аграрии ш. Самарқанди Ҷумҳурии Узбекистонро бо ихтисоси зооинженер хатм намудааст. Солҳои 1988-1991 дар шуъбаи аспирантураи Институти умумииттифоқии технологӣ ва парандапарварии Федератсияи Россия таҳсил намуда, аз рӯйи ихтисоси зооинженер–муҳаққиқ ба дараҷаи илмии номзади илмҳои кишоварзӣ (соли 1992) ва доктори илмҳои кишоварзиро (соли 2023) сарфароз гардидааст. Унвони илмии дотсентро аз рӯйи ихтисоси зоотехния ба даст овардааст. Фаъолияти илмӣ-омӯзгориро аз соли 1992 ба ҳайси ходими хурди илмии Институти умумииттифоқии технологӣ ва парандапарварии Федератсияи Россия оғоз намуда, дар вазифаҳои ходими калони илмии Институти чорводории АИКТ, сарзоотехники корхонаи воҳиди «Тоҷикптитсепром»-и назди Вазорати кишоварзии Тоҷикистон, сарзоотехники Иттиҳодияи истеҳсолии «Парандапарварии Душанбе», директори шуъбаи ширкати истеҳсолии ҶДММ «Доро», муовини директори генералии ширкати ҶДММ «Энергия-А», мудири кафедраи технологияи коркарди маҳсулоти чорводории Донишгоҳи аграрии Тоҷикистон. Сармутахассиси шуъба, мудири шуъбаи самти илмҳои тиббӣ, биологӣ, кишоварзӣ ва байторӣ, котиби илмӣ ва саркотиби илмии Комиссияи олии аттестатсионии назди Президенти Ҷумҳурии Тоҷикистон, мудири кафедраи “Биологияи тиббӣ бо асосҳои генетика” ва сардори Раёсати илм ва инноватсияи МТҒ “Донишкадаи тиббӣ-иҷтимоии Тоҷикистон” кор кардааст. Айни замон дар Институти чорводорӣ ва чарогоҳи Академияи илмҳои кишоварзӣ ба ҳайси мудири “Озмоишгоҳи таҳлили сифати маҳсулоти чорво” фаъолият менамояд. Муаллифи зиёда аз 80 мақолаҳои илмӣ, 35 дастури таълимӣ-методӣ, 7 китоби дарсӣ, 4 тавсияномаи илмӣ-истеҳсолӣ ва 1 монография мебошад. Самти корҳои илмӣ-таҳқиқотии номбурда ба такмилдиҳии технологияҳои парвариш ва нигоҳдорӣ дар соҳаи чорводорӣ ва парандапарварии Ҷумҳурии Тоҷикистон равона шудааст.
