Тарҷумаи ҳол
Ман Раҳматзода Муҳаммади Нуридин (Раҳматов Муҳамадӣ Нуридинович) 23-марти соли 1992 дар ноҳияи Деваштич, ҷамоати деҳаи Далёни Боло, дар оилаи деҳқон ба дунё омадаам. Моҳи сенятбри соли 1999 ба МТМУ № 8 – и деҳаи номбурда ба синфи 1 қабул гардида соли 2010 муассисаи таълимии мазкурро хатм намудам. Худи ҳамин сол ба МДТ “ДДХ ба номи академик Б. Ғафуров”, факултети физикаю техника, ихтисоси радиофизика ва электроника дохил гардидам ва соли 2015 муассисаи мазкурро хатм намудам. Соли 2015 баъди хатми донишгоҳ ба ҶСК “ Тоҷиктелеком” – шаҳри Хуҷанд, САТ- 2-5 ба ҳайси кафшергар (кабельщик) ба кор даромадам. Соли 2016 ҳамчун омӯзгори фанни физика дар МТМУ № 8 -и ноҳияи Деваштич, деҳаи Далёни Боло ба кор даъват шудам. Моҳи сентябри соли 2017 ҳамчун лаборанти кафедраи физикаи умумӣ ва ҷисмҳои сахтӣ факултети физака техникаи МДТ “ДДХ ба номи академик Б. Ғафуров“ ба кор даромадам. Сентябри соли 2020 ба тариқи озмун ба кафедраи номбурда ба муаллими гузаштам. Моҳи майи соли 2022 ба тариқи озмун ба кафедраи номбурда ба сармуаллимӣ гузаштам. Мутобиқи қарори Шурои олимони донишгоҳи мазкур аз санаи 29.06.2023 ба вазифаи дотсенти кафедраи физикаи умумӣ ва ҷисмҳои сахт интихоб шудам. Моҳи октябри соли 2017 аз рӯи ихтисоси физика ҳамчун унвонҷӯи кафедраи физикаи умумӣ ва ҷисмҳои сахт дар Шурои олимони Донишгоҳ мавзӯи илмиамро бо номи “Таҳқиқи унсурии аэрозоли атмосфера ва хоки вилояти Суғд” тасдиқ намудам. Дар зери роҳбарии доктори илмҳои физикаю математика, профессор, мудири лабораторияи физикаи атмосфераи ИФТ ба номи С.У. Умарови АМИТ Абдуллоев Сабур Фузайлович дар Шурои диссертатсионии 6D.KOA-031-и назди Институти физикаю техникаи ба номи С.У.Умарови Академияи миллии илмҳои Тоҷикистон санаи 8 октябри соли 2021 рисолаи номзадиаамро њимоя намудам. Аз ҷониби Комиссияи олии аттестатсионии назди Президенти Ҷумҳурии Тоҷикистон санаи 28 феврали соли 2022 тасдиқи худро ёфт. Аз Бо қарори Раёсати Комиссияи олии аттестатсионии назди Президенти Ҷумҳурии Тоҷикистон аз санаи 31 июли соли 2025, №8 дотсент аз рӯйи ихтисоси Физика дониста шудам. Бо фармоиши раиси КОА – и назди Президенти Ҷумҳурии Тоҷикистон аз 04 августи соли 2025, №263/у.и. ба ман шаҳодатномаи унвони илмии дотсент (ШУД №000076) дода шуд.
