Тарҷумаи ҳол
Ҷумъахонзода Навруз Ҷумъахон 04.07.1987 дар ноҳияи Данғара дар оилаи коргар ба дунё омадааст. Маълумоти миёнаи умумиро дар мактаби рақамӣ №7-уми ҷамоати Корез, деҳаи Данғараи болои ноҳияи Данғара гирифтааст. Соли 2005 ба факултети технологияҳои иттилооти дар иқтисодиётӣ Донишгоҳи технологии Тоҷикистон дохил шуда соли 2010 бо ихтисоси Информатик-иқтисодчӣ хатм намудааст. Ҷумъахонзода Навруз фаъолияти меҳнатиашро аз соли 2010 ба ҳайси Танзимар дар ҶСК “Тоҷиктелеком” дар шаҳри Душанбе оғоз намуда то соли 2016 дар вазифаҳои - Муҳандис дар ҶСК “Тоҷиктелеком” ва Сардори қитъаи Интернети ҶСК “Тоҷиктелеком” дар минтақаи Курғонтеппа кор ва фаолият намудааст. Дар Донишгоҳи давлатии Данғара фаъолияти омӯзгориашро соли 2016 оғоз намуда то инҷониб фаъолияташро дар кафедраи информатика ва телекоммуникатсияи муассисаи мазкур дар ҳайси омӯзгори фанни технологияи иттилоотӣ бурда истодааст. Инчунин Ҷумъахонзода Навруз Ҷумъахон дар Донишгоҳи давлатии Данғара дар вазифаҳои Эксперт муҳандиси шабакаҳои компютерӣ, Сардори маркази технологияҳои информатсионӣ, таъмини бехатари иттилоот ва кибер ҳимояи, иҷрокунандаи мудири кафедраи системаи компютери ва ҳифзи иттилоот, сардори маркази бақайдгирӣ ва назорати низоми пардохти шартномаҳо, сардори маркази тестӣ бақайдгирӣ, сардори маркази технологияҳои иттилоотӣ ва комуникатсионӣ кор ва фаолият карда истодааст. Мавзуи кори диссертатсионии Ҷумъахонзода Навруз Ҷумъахон дар ҷаласаи Шурои олимони Донишгоҳи давлатии Данғара №4 аз 13 ноябри соли 2019 тасдиқ шудааст. Аз соли 2019 то 2024 дар ҳайси унвонҷӯи кафедраи педагогика ва психологияи МДТ “Донишгоҳи давлатии Данғара” фаъолият бурдааст. Диссертатсия дар ҷаласаи васеи кафедраҳои педагогика ва психология, методикаи таълим ва таҳсилоти ибтидоии Донишгоҳи давлатии Данғара аз 28.01.2025с., №1 муҳокима шуда, ба ҳимоя пешниҳод шудааст. Ҷумъахонзода Навруз Ҷумъахон пайваста дар семинарҳои илмии кафедра, конференсияҳои донишгоҳӣ, ҷумҳуриявӣ ва байналмилалӣ иштирок намуда, қисматҳои мавзуи таҳқиқотиашро мавриди таҳлилу арзёбӣ қарор додааст. Муаллифи 21 мақолаи илмию назариявӣ мебошад, ки аз онҳо 6-тояш дар нашрияҳои илмии тақризшавандаи феҳристи тавсиянамудаи КОА назди Президенти Ҷумҳурии Тоҷикистон ба нашр расидааст.
