Тарҷумаи ҳол
Каримова Қумринисо Осимовна баъди хатми факултети сиёсатшиносӣ ва муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон дар асоси фармоиши ректори Донишгоҳ аз моҳи ноябри соли 2016 фаъолияти меҳнатии худро ба ҳайси котиб-коргузори кафедраи муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон оғоз намудааст. Аз 25 августи соли 2017 то соли 2019 ассистенти кафедраи муносибатҳои байналдхалқии Донишгоҳи давлатии ҳуқуқ, бизнес ва сиёсати Тоҷикистон ва аз моҳи сентябри соли 2019 ҳамчун мутахассис масъули кор бо донишҷӯёни раёсати кадрҳо ва корҳои махсус фаъолиятро давом додааст. Аз 2 ноябри 2022, таҳти рақами № 1439/нк – 44 тасдиқ шуда, баҳайси номзади илмҳои таърих, муаллими калони кафедраи муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон фаъолият дорад. Аз 2 сентябри соли 2024 дар вазифаи сармутахассиси бахши идоракунӣ ва мониторинги сифати таҳсилоти Донишгоҳи давлатии ҳуқуқ, бизнес ва сиёсати Тоҷикистон фаъолият бурда истодааст. Рисолаи номзадиашро таҳти роҳбарии Мамадалиев Иномҷон Абдусатторович, доктори илмҳои таърихӣ ДДХ дар мавзуи “Социально-экономическое положение северного Таджикистана во второй половине XIX - начале XX вв. (по материалом ревизии комиссии сенатора графа К.К. Палена)” санаи 15-уми июни соли 2022 бо муваффақият ҳимоя намудааст. Муаллифи зиёда аз 40 - мақолаҳои илмӣ ва 3 дастури таълимӣ мебошад. Дар давоми фаъолияти хеш барои иштироки фаъолона ва маърузаҳои беҳтарин дар конфренсияҳои илмӣ – амалӣ, сатҳи байналмилалӣ, ҷумҳуриявӣ, вилоятӣ, озмуни донишгоҳӣ, чорабиниҳои таълимӣ – методӣ, семинарҳои илмӣ – назариявӣ назди кафедра ва факултет ва ҳамчунин иҷрои корҳои ҷамъиятию сиёсӣ, иҷтимоӣ - тарбиявӣ борҳо меҳнат ва заҳматҳои ӯ бо сипоснома, ифтихорнома ва диплом қадрдонӣ ва сарфароз гардонида шудааст. Каримова Қумринисо Осимовна ҳамаи вазифаву супоришҳое, ки ба зиммаи ӯ гузошта мешавад, бо сифати баланд ва сари вақт иҷрои онро таъмин менамояд. Оиладор, соҳиби ду фарзанд мебошад.
