Тарҷумаи ҳол
4 июли соли 1977 дар ноҳияи Спитамен таваллуд шудааст. Соли 1999 Донишгоҳи давлатии Хуҷандро бо ихтисоси «Системаҳои автоматикунонидашудаи коркарди ахбор ва идоракунӣ» хатм намуда, соҳиби тахассуси муҳандис-иқтисодчӣ гардидааст. Соли 2019 рисолаи номзадии худро дар мавзуи «Моделиронии таҳлил ва пешгӯии шуғл дар иқтисодиёти миллии Ҷумҳурии Тоҷикистон» бомуваффақият ҳимоя кардааст. Фаъолияти меҳнатии ӯ аз соли 1999 дар Донишгоҳи давлатии Хуҷанд оғоз ёфта, дар тӯли зиёда аз 25 сол дар вазифаҳои гуногуни масъулиятнок, аз ҷумла сардори маркази бақайдгирӣ, сардори маркази тестӣ, сардори маркази технологияҳои иттилоотӣ ва мудири кафедра фаъолият намудааст. Аз соли 2023 то имрӯз ҳамчун мудири кафедраи «Технологияҳои иттилоотӣ дар иқтисодиёт» фаъолият дорад. Дар айни ҳол, ӯ роҳбари илмии барномаи дурнамои кафедра барои солҳои 2026–2030 мебошад, ки мавзуи асосии он «Ҳамгироии технологияҳои иттилоотӣ ва зеҳни сунъӣ дар рушди иқтисоди инноватсионӣ ва рақамии Тоҷикистон»-ро дар бар мегирад. Тадқиқоти илмии шахсии ӯ ба истифодаи алгоритмҳои пешрафтаи зеҳни сунъӣ барои амсиласозӣ ва пешгӯии нишондиҳандаҳои бозори меҳнат равона шудааст.
