Тарҷумаи ҳол
ЮСУПОВ Шоҳин Раҳимбердиевич (тав. 9.08.1990). Соли 1997 таҳсилро дар МТМУ №15-и ноҳияи Деваштич оғоз намуда, соли 2008 хатм намудааст. Солҳои 2008-2012 (бакалавр), 2012-2014 (магистратура) дар факултети филологияи тоҷики Донишгоҳи давлатии Хуҷанд ба номи академик Б. Ғафуров таҳсил кардааст. Баъд аз хатми магистратура солҳои 2014-2015 дар кафедраи забони тоҷикии факултети филологияи тоҷики ДДХ ба номи академик Б. Ғафуров ба фаъолияти омӯзгорӣ машғул шудааст. Соли 2015 таҳсилро дар докторантура (Phd)-и Донишгоҳи давлатии омӯзгории Тоҷикистон ба номи Садриддин Айнӣ оғоз намуда, соли 2018 ба итмом расонидааст. Соли 2021 дар мавзуи “Хусусиятҳои морфологии “Ҷомеъ-ут-таворих” рисолаи илмии хешро дифоъ намудааст. Дар кафедраи назария ва амалияи забоншиносии ДДОТ ба номи С. Айнӣ ба ҳайси ассистент (2017), муаллими калони (2021) ва дотсенти кафедра (2022) фаъолият менамояд. Муаллифи беш аз панҷоҳ мақолаи илмӣ - оммавӣ ва як монография мебошад.
