Тарҷумаи ҳол
Расулзода Рухсора, 25 сентябри соли 1995, дар ноҳияи Данғараи вилояти Хатлон таваллуд шудаааст. Миллаташ тоҷик, таҳсилоташ олӣ. Соли 2001 ба синфи 1-ум дар МТМУ №56-и ноҳия дохил шуда, соли 2012 онро бо шаҳодатномаи аъло ва бо медали нуқра хатм намудааст. Худи ҳамон сол ба Донишгоҳи миллии Тоҷикистон ба факултаи фалсафа дохил шуда, соли 2017 онро бо ихтисоси сиёсат ва идораи давлатӣ ва бо дипломи аъло хатм кардааст. Соли 2017 ба ҳайси аспиранти Академияи миллии илмҳои Ҷумҳурии Тоҷикистон қабул гардида, соли 2020 хатм намудааст. Дар давраи таҳсил соли 2012 дар олимпиадаи ҷумҳуриявии мактаббачагон аз фанни «забон ва адабиёт» ва соли 2015 дар олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон аз фанни «фалсафа» иштирок намуда, сазовори ҷойи аввал гардидааст. Соли 2015 фаъолияти касбиашро дар самти идоракунии кадрӣ дар Муассисаи давлатии «Маркази миллии патенту иттилоот» оғоз намуда, баъдан то соли 2024 ба ҳайси сардори шуъбаи умумӣ, кадрҳо ва таъминоти ҳуқуқии Муассисаи давлатии «Ташаккул ва рушди соҳибкорӣ дар Тоҷикистон» давом додааст. Соли 2024 дар Шурои диссертатсионии 6D.КОА-001 назди Донишгоҳи миллии Тоҷикистон рисолаашро дар мавзӯи «Сиёсати забонӣ дар Ҷумҳурии Тоҷикистон ва хусусиятҳои асосии он» ҳимоя намуда, дараҷаи илмии номзади илмҳои сиёсӣ дарёфт намудааст. Аз соли 2024 омӯзгори кафедраи сиёсатшиносӣ ва робита бо ҷомеа, факултети дипломатия ва сиёсати Академияи идоракунии давлатии назди Президенти Ҷумҳурии Тоҷикистон мебошад. Соли 2026 бо нишони «Аълочии маориф ва илми Ҷумҳурии Тоҷикистон» мукофонида шудааст.
