Тарҷумаи ҳол
Ман, Шарифбоев Абдухалил Ҳамидович, санаи 01 июли соли 1994 дар шаҳри Панҷакенти вилояти Суғди Ҷумҳурии Тоҷикистон таваллуд шудаам. Миллатам тоҷик. Соли 2012 Муассисаи таҳсилоти миёнаи умумии №71 шаҳри Панҷакентро хатм намудам. Моҳи сентябри соли 2012 ба Муассисаи давлатии таълимии «Донишгоҳи давлатии тиббии Тоҷикистон ба номи Абуалӣ ибни Сино» дохил шуда, дар факултети тиббӣ аз рӯи ихтисоси кори табобатӣ таҳсил намудам. Соли 2018 донишгоҳро хатм карда, солҳои 2018–2019 интернатураро гузаштаам. Фаъолияти меҳнатии худро соли 2020 ҳамчун сардори нуқтаи тиббии қисми ҳарбии 13003-и Вазорати мудофиаи Ҷумҳурии Тоҷикистон оғоз намуда, то соли 2022 фаъолият намудам. Солҳои 2022–2023 ҳамчун духтури сайёри зерстансияи марказии Маркази шаҳрии ёрии таъҷилии тиббии шаҳри Душанбе кор кардам. Аз соли 2023 то имрӯз дар Муассисаи давлатии таълимии «Донишгоҳи давлатии тиббии Тоҷикистон ба номи Абуалӣ ибни Сино» ба ҳайси ассистенти кафедраи бемориҳои дарунии №2 фаъолият намуда истодаам. Дар самти фаъолияти касбӣ дорои малакаҳои хуби компютерӣ, истифодаи барномаҳои муосир, иҷрои корҳои илмӣ-тадқиқотӣ ва малакаҳои амалии тиббӣ мебошам. Оиладор ҳастам. Ҳамсарам Мусоева Зулфия Бобошоевна — духтури кардиолог мебошад. Соҳиби ду фарзанд ҳастам: 1. Шарифбойзода Абдуллоҳ Абдухалил; 2. Шарифбойзода Нозанин Абдухалил.
