Тарҷумаи ҳол
мудири кафедраи технологияҳои иттилоотӣ дар иқтисодиёти ДДҲБСТ Лутфуллозода Мазбутҷон Дадопур (Лутфулоев Мазбутҷон Дадоҷонович) 1-уми феврали соли 1981 дар оилаи зиёӣ, дар деҳаи хушманзари Хистеварзи ноҳияи Бобоҷон Ғафуровба дунё омадааст. Моҳи сентябри соли 1987 ба мактаби миёнаи № 34 ноҳияи Бобоҷон Гафуров рафта, мактаби мазкурро соли 1997 бо “Гувоҳномаи аъло” хатм кардааст ва сентябри ҳамон сол ба ДДХ ба номи академик Б.Ғафуров, факултети Кибернетика, ихтисоси «Системаҳои идоракунии автоматикунонидашуда» дохил шуда, соли 2002 онро бо “дипломи аъло”, тахассусти «муҳандис - иқтисодчӣ» хатм намудааст. Аз 01.10.2002 то 10.12.2003 дар мактаби миёнаи №34, ноҳияи Бобоҷон Ғафуров ҳамчун омӯзгори фанни «Асосҳои техникаи компютерӣ» фаъолият бурдааст. Аз 15.12.2003 то 01.07.2004 дар Маркази Интернети ДДҲБСТ ба ҳайси оператор кор кардааст. Аз 01.09.2004 то 10.05.2008 ассистент, аз 10.05.2008 то 25.10.2023 муаллими калон, аз 25.10.2023 то 25.01.2025 дотсент ва аз 25.01.2025 то ҳол мудири кафедраи технологияҳои иттилоотӣ дар иқтисодиёт (пешина “системаҳои ахборотӣ-ҳисоббарорӣ”) кор ва фаъолият бурда истодааст. Аз ҷониби ӯ зиёда аз 90 мақолаи илмӣ, аз ҷумла 22 дар маҷаллаҳои илмии аз ҷониби Комиссияи олии аттестатсионии назди Президенти Ҷумҳурии Тоҷикистон тавсияшуда, 4 монография, 1 китоби дарсӣ, 9 комплексҳои таълимию методӣ, 15 дастурҳои таълимӣ, 5 шаҳодатномаи муаллифӣ ва 12 мақолаи публисистӣ ба нашр расидааст. Аълочии маориф ва илми Ҷумҳурии Тоҷикистон (2025). Оиладор, соҳиби 4 фарзанд мебошад.
