Тарҷумаи ҳол
Хислатнома дода шуд ба номзади илмҳои ҳуқуқшиносӣ, дотсенти кафедраи кафедраи њуќуќи љиноятї, криминалистика ва муқовимат ба коррупсияи факултети њуќуќшиносии Донишгоњи давлатии њуќуќ, бизнес ва сиёсати Тољикистон Маннонзода Нигора Маннон Маннонзода Нигора хатмкардаи факултети мазкур буда, аз 18-уми сентябри соли 2000 фаъолияти меҳнатии худро аз вазифаи коргузори кафедраи ҳуқуқи конститутсионии факултети ҳуқуқшиносии Донишгоњи давлатии њуќуќ, бизнес ва сиёсати Тољикистон оғоз намуда, аз 12-уми марти соли 2003 дар кафедраи ҳуқуқи ҷиноятӣ ва криминалистика фаъолияти худро ба ҳайси ассистенти кафедра идома додааст. Тибқи Фармоиши ректори донишгоҳ аз 01-уми феврали соли 2008 то моҳи сентябри соли 2022 ба сифати сармуаллимаи кафедраи ҳуқуқи ҷиноятӣ, криминалистика ва пешгирии коррупсия фаъолият мебурд. Аз моҳи сентябри соли номбурда дар кафедраи ҳуқуқи ҷиноятӣ, криминалистика ва пешгирии коррупсия ба сифати номзади илмҳои ҳуқуқшиносӣ, муаллими калон ва аз 01-декабри соли соли 2023 ба сифати и.в.дотсенти кафедраи ҳуқуқи ҷиноятӣ, криминалистика ва пешгирии коррупсияи ДДҲБСТ фаъолияти меҳнатии худро идома медиҳад. Ҷомеаи устодон ва садорати факултети ҳуқуқшиносӣ Н. Маннонзодаро ҳамчун шахси фарҳангзамир, фардоназар, олимаи умедбахшу педагоги комил мешиносад. Воқеан, Нигора Маннонзода дар тӯли зиёда аз бист соли фаъолияти меҳнатии худ тавонист, ки дар самтҳои таълим, тарбия ва илм ба комёбиҳои назаррас ноил гардад. Аз ҷониби ӯ якчанд барномаҳои таълимӣ ва барномаҳои кории фан (силлабус), дигар маводҳои таълимӣ-методӣ таҳия гардидаанд. Номбурда дар факултет таи солҳои 2003-2012 вазифаи ҷамъиятии Раиси Шурои бонувон ва духтаронро дар уҳда дошт. Вобаста ба супоришҳои ба зимааш гузошташуда масъулиятшиносӣ нишон медиҳад. Барои иштироки фаъол дар чорабиниҳои сиёсӣ–фарҳангии вилоятӣ, шаҳрӣ ва миқёси донишгоҳ Н. Маннонзода бо якчанд ифтихорномаву сипосномаҳо (Сипосномаи Раиси вилояти Суғд, Ифтихорномаи ҲХДТ, Ифтихорномаҳои Вазорати маориф ва илми Ҷумҳурии Тоҷикистон, Ифтихорномаҳои раёсати донишгоҳ, КМИК-и донишгоҳ ва деканҳои факултет) сазовор дониста шудааст. Н. Маннонзода дорандаи Гувоҳномаи курси захираи кадрҳои шуъбаи кор бо занон ва оилаи Мақомоти иҷроияи ҳокимияти давлатии шаҳри Хуҷанд мебошад. Ҳамчунин, ӯ муаллифи зиёда аз 50-мақолаҳои илмӣ ва оммавӣ буда, дар таҳлили масъалаҳои муҳими илми ҳуқуқшиносӣ назари таҷдид овардааст. Санаи 14-уми сентябри соли ҷорӣ дар Шурои диссертатсионии 6D. КОА- 059 назди факултети њуќуќшиносии Донишгоњи миллии Тољикистон рисолаи номзадии хешро дар мавзуи «Ҷанбаҳои ҷиноятӣ-ҳуқуқии савдои одамон дар мисоли Ҷумҳурии Тоҷикистон» таҳти роҳбарии илмии Арбоби шоистаи илм ва техника, ҳуқуқшиноси шоистаи Ҷумҳурии Тоҷикистон, доктори илмҳои ҳуқуқшиносӣ, профессори факултети ҳуқуқшиносии Донишгоҳи Миллии Тоҷикистон Шарипов Т.Ш. бомуваффақият дифоъ намуд. Бо қарори Комиссияи Олии Аттестатсионии назди Президенти Ҷумҳурии Тоҷикистон аз 30.06.2022с., №6 (фармоиши № 205 /д.и. аз 01.07.2022) дараҷаи илмии номзади илмҳои ҳуқуқшиносӣ дода шуд. Ният дорад, бо пешбурди корҳои илмӣ-тадқиқотӣ, аз ҷумла, дифои рисолаи докторӣ корҳои худро идома диҳад.
