Тарҷумаи ҳол
Бурҳонзода Илҳом Бурҳон (Махсумов Илхом Бурхонович) олими соҳаи энергетика, номзади илмҳои техникӣ, дотсент, мутахассиси соҳаи энергетикаи офтобӣ ва манбаъҳои барқароршавандаи энергия мебошад. Фаъолияти илмӣ ва касбии ӯ ба таҳқиқ, такмил ва ҷорӣ намудани технологияҳои муосири энергетикӣ, махсусан истифодаи самараноки энергияи офтоб дар шароити иқлимии Ҷумҳурии Тоҷикистон равона гардидааст. Ӯ соли 2021 рисолаи номзадии худро дар самти такмили фаъолияти системаҳои фотоэлектрикӣ ҳимоя намуда, соҳиби дараҷаи номзади илмҳои техникӣ гардид. Дар давоми фаъолияти илмӣ дар самтҳои баланд бардоштани самаранокӣ ва эътимоднокии неругоҳҳои офтобӣ, омӯзиши равандҳои гармӣ дар модулҳои фотоэлектрикӣ, истифодаи технологияҳои муҳофизати гармии голографӣ ва мутобиқсозии системаҳои офтобӣ ба шароити иқлимии Тоҷикистон корҳои назаррас анҷом додааст. Натиҷаҳои таҳқиқоти илмии Бурҳонзода Илхом Бурҳон дар маҷаллаҳои бонуфузи илмии байналмилалӣ ва ҷумҳуриявӣ нашр гардида, дар конференсияҳои илмӣ амалӣ муаррифӣ шудаанд. Ӯ муаллифи як қатор мақолаҳои илмӣ дар соҳаи энергетикаи офтобӣ, самаранокии энергетикӣ ва технологияҳои инноватсионии истифодаи манбаъҳои барқароршавандаи энергия мебошад. Дар баробари фаъолияти илмӣ, Бурҳонзода Илхом Бурҳон фаъолияти омӯзгорӣ ва ташкилию идоракуниро низ пеш мебарад. Ӯ ҳамчун мудири кафедраи манбаъҳои алтернативии энергия ва котиби илмии шурои диссертатсионии 6Д.КОА-083-и назди Донишкадаи энергетикии Тоҷикистон фаъолият намуда, дар рушди таҳқиқоти илмӣ, омода намудани мутахассисони баландихтисос ва ташкили раванди омодасозии кадрҳои илмӣ-педагогӣ саҳми назаррас мегузорад. Вазъи оилавӣ: Оиладор, соҳиби 3 фарзанд.
