Тарҷумаи ҳол
Ман, Шодизода Комрон Олимҷон 15-уми майи соли 1992 дар ҶД. Деҳқонобод, деҳаи Сайф Раҳимзоди Афардии ноҳияи Фархори вилояти Хатлон дар оилаи омӯзгор ба дунё омадам. Соли 2010 мактаби миёнаи умумии №24 ба номи А. Фирдавсии деҳаи С.Р. Афардӣ, ҶД Деҳқонобади ноҳияи Фархорро хатм намудам. Аз соли 2010 то соли 2015 дар Донишгоҳи давлатии Кӯлоб ба номи А. Рӯдакӣ таҳсил намуда, онро бо ихтисоси омӯзгори таърих ва ҳуқуқ бо дипломи аъло хатм намудам. Дар даврони донишҷӯӣ яке аз донишҷӯёни фаъол ба шумор рафта, соли 2015 дар Ҷоми Академияи миллии илмҳои Тоҷикистон бо гирифтани ҷойи сеюм аз фанни таърих бо дипломи дараҷаи сеюм қадрдонӣ карда шудам. Солҳои 2019-2023 ба ҳайси унвонҷӯи кафедраи фанҳои гуманитарии Донишгоҳи давлатии Данғара ба корҳои илмӣ-таҳқиқотӣ машғул шуда, рисолаи номзадиямро таҳия намудам. Солҳои 2020-2022 ба ҳайси ассистенти кафедраи фанҳои гуманитарӣ фаъолият намуда, аз 1-уми ноябри соли 2022 то 1-уми майи соли 2023 ба ҳайси мудири шуъбаи омодасозии кадрҳои илмӣ-педагогӣ ва кор бо шуроҳои диссертатсионии Донишгоҳи давлатии Данғара кору фаъолият намудам. Аз 1-уми майи соли 2023 то 1-уми октябри соли 2025 ба ҳайси муовини сардори раёсати илм ва инноватсияи Донишгохи давлатии Дангара фаъолият намудам. Аз 1-уми октябри соли 2025 то ба ҳол ба ҳайси иҷрокунандаи сардори раёсати илм ва инноватсияи Донишгоҳи давлатии Данғара кору фаъолият намуда истодаам. Дар фаъолияти омӯзгории худ зиёда аз 40 адад таълифотхои гуногуни илмиро дар сатхи ҷумҳуриявӣ ва байналмилалӣ ба нашр расонидаам, ки аз ин шумора 1 адад монографияи илмӣ ва 1 адад васоити таълимиро дар бар мегирад. Шумораи мақолаҳо дар маҷаллаҳои тақризшавандаи КОА назди Президенти Ҷумҳурии Тоҷикистон ба 8 адад, мақолаҳо дар маводи конференсияҳои байналмилалӣ ба 9 адад ва мақолаҳо дар маводи конференсияҳои ҷумҳуриявӣ ба зиёда аз 15 адад мерасад. Оиладор, соҳиби 3 фарзанд.
