Тарҷумаи ҳол
Мирзоёров Фирдавс Ниёзович – номзади илми филологӣ, муовини декан оид ба илм ва инноватсия ва ҳамзамон дотсенти кафедраи забони адабии муосири тоҷикии факултети филологияи Донишгоҳи миллии Тоҷикистон. 25-уми сентябри соли 1979 таваллуд шуда, соли 2001 ихтисоси ҳуҷҷатнигории факултети филологияи Донишгоҳи давлатии миллии Тоҷикистон (бакалавр), соли 2003 ихтисоси забон ва адабиёти тоҷики факултети филологияи тоҷики Донишгоҳи давлатии миллии Тоҷикистон (магистр) ва соли 2008 шуъбаи рӯзонаи аспирантураи Донишгоҳи миллии Тоҷикистонро хатм намудааст. Рисолаи номзадиашро соли 2011 дар мавзуи «Шарҳи грамматикӣ дар фарҳангҳои тафсирии асрҳои XVIXIX» дифоъ намудааст. Соли 2010 барои таблиғи худшиносӣ дар соҳаи фарҳангу маориф бо нишони «Аълочии матбуоти Тоҷикистон» сазовор гардидааст. Соли 2025 барои саҳми назаррас дар таълиму тарбия ва рушди илм бо нишони «Аълочии маориф ва илми Тоҷикистон» сазовор гардидааст. Муаллиф ва мураттиби лоиҳаи «Стандарти фанни забони тоҷикӣ барои синфҳои 5-11» ( 2017) (бо ҳаммуаллифӣ), «Барномаи таълимӣ аз фанни забони тоҷикӣ барои синфҳои 511»( ба ҳаммуаллифӣ), «Роҳнамо барои омӯзгорон аз фанни забони тоҷикӣ синфи 6» (бо ҳаммуаллифӣ), «Замима ба китоби дарсии забони тоҷикӣ синфи 6» (бо ҳаммуаллифӣ) мебошад. Ӯ муаллифи 1 монографи ва 2 барномаи таълимӣ аз фанҳои «Лингвистикаи ҳуҷҷат» (2015) ва«Фарҳангнигории муосир» (2016) ва зиёда аз 80 мақолаҳои илмӣ ва илмию оммавӣ мебошад. Аз соли 2008 узви иттифоқи журналистони Тоҷикистон мебошад.
