Тарҷумаи ҳол
ТАРҶУМАИ ҲОЛ Ман Раҳимов Хуршед Абдуллоевич 20 декабри соли 1969 дар шаҳри Левакант, ҷамоати Гулистон, уч. Боҳтуробод дар оилаи омўзгор таваллуд шудаам. Падарам Раҳимов Абдулло соли таваллудаш 1941 омӯзгори фанни забони хориҷӣ (олмонӣ) буда, дар мактаби миёнаи №24-и шаҳри Левакант (ҳозира мактаби №4), уч. Боҳтуробод, фаъолият кард. Модарам Раҳимова Сангимоҳ соли таваллудаш 1950 колхозчӣ шуда кор кардааст. Оилаи мо калон буда, ман хамчун фарзанди калон ҳафт додару ду хоҳар дорам. Соли 2019 падару модарам бо сабаби бемории фишорбаландӣ аз дунё гузаштанд. Ман соли 1977 ба мактаби миёнаи №24 (ҳозира №4)-и, уч. Боҳтуробод ба синфи 1-ум рафтам. Соли 1987 мактаби номбурдаро бомуваффақият хатм кардам. Аз соли 1988 то 1990 баъди адои хизмати ҳарби, аз соли 1990 то 1993 дар шӯъбаи машинҳои компрессории сехи аммиаки (аз 1 то 5-ум разряд) заводи нуриҳои азотии Вахш (ВАТЗ) ҳамчун машинист кор кардаам. Соли 1993 ман ба Донишгоҳи техникии Тоҷикистон ба курси 1-уми гурўҳи 2502 ихтисоси «Технологияи химиявии моддаҳои ғайриорганикӣ», факултаи Технологияи химиявӣ ва металлургӣ, шӯъбаи рӯзона дохил шуда ва соли 1998 Донишгоҳи номбурдаро бо дипломи дараҷаи аъло хатм намудам. Аз соли 1998 то 1999 коромӯзи сардори басти (стажёр начальника смена) шуда дар сехи аммиаки Заводи нуриҳои азотии Вахш кор кардаам. Аз соли 1999 ассистент, баъдтар аз соли 2003 то 2006-ум саромўзгори Коллеҷи политехникии ш. Қӯрғонтеппа дар назди Донишгоҳи техникии Тоҷикистон ба номи академик М.С.Осимӣ кор кардам. Аз соли 1992 ман оиладорам, соҳиби чор фарзандам ва аз соли 1993 дар шаҳри Қўрғонтеппа зиндагонӣ мекунам. Оилаам - Сатторова Салима соли таваллудаш 1971, маълумоташ олӣ, коркуни Раёсати омори вилояти Хатлон мебошад. Духтарам – Раҳимова Шабнами Хуршедовна соли таваллудаш 1993, соли 2015 Донишкадаи энергетикии Тоҷикистонро бо ихтисоси 270101-«Иқтисодиёт ва ташкили истеҳсолот» (муҳандис-иктисодчии барқ ва алоқа), бо муввафақият ба анҷом расонид. Ҳоло оиладор соҳиби 2-писар. Духтарам - Шоҳонаи Хуршед соли таваллудаш 1997, соли 2020 Донишкадаи энергетикии Тоҷикистонро бо ихтисоси 270101-«Иқтисодиёт ва ташкили истеҳсолот» (мухандис-иктисодчии барқ ва алоқа) бо дипломи дараҷаи аъло хатм кард. Оиладор соҳиби 3-писар. Писарам - Шайхшоҳрухи Хуршед соли таваллудаш 2001, соли 2018 ба курси 1-уми ихтисоси 530104-03 «Автоматика ва ҳифзи релеии дасгоҳҳои электроэнергетикӣ»-и Донишкадаи энергетикии Тоҷикистон дохил шуда ва соли 2022 бо муввафақият хатм кард. Аз соли 2025 дар Донишкадаи энергетикии Тоҷикистон ба ҳайси сармутахассиси маркази бақайдгирӣ фаъолият дорад. Духтарам – Абдуллозода Зайнабгули Хуршед соли таваллудаш 2008, соли 2026 мактаби таҳсилоти умумии №5-и ш. Қўрғонтеппаро бо муваффақият хатм кард ва 1-сентябри соли 2026 дар бахши 1-куми ихтисоси 270101-«Иқтисодиёт ва ташкили истеҳсолот»-и Донишкадаи энергетикии Тоҷикистон таҳсил карда истодааст. Аз 2006с то 2014с бо сабаби барҳам хӯрдани Коллеҷи политехникии ш. Қӯрғонтеппа ва ташкил шудани Донишкадаи энергетикии Тоҷикистон ман дар кафедраи «Сохтмони гидротехникӣ ва фанҳои умумитехникӣ» ҳамчун саромӯзгори фанҳои химия, экология ва бехатарии фаъолияти инсон фаъолият кардам. Аз 2014 с. то 2017 с. дар вазифаи роҳбари маркази тачрибаомӯзи ва кор бо хатмкардагони ДЭТ кор кардам. Аз 2017 с. то 2018 с. дар вазифаи мудири кафедраи «Таъминоти барқ ва ҳифзи релеӣ» фаъолият кардам. Аз 2018 с. то 2020 с., дар вазифаи мудири кафедраи «Нерӯгоҳҳо ва шабакаҳои барқ» фаъолият кардам. Аз 2020 с. то 2025 с., дар вазифаи декани факултети «Муҳандисӣ ва иқтисодиёти рақамӣ» фаъолият кардам. Аз 2025 с. то 2026 с., дар вазифаи сардори шуъбаи «Илм, омодасозии кадрҳои илмӣ ва илмӣ - педагогӣ» фаъолият кардам. Аз 11-уми сентябри соли 2026 то имрўз дар вазифаи сардори шуъбаи «Мониторинг ва назорати сифати таҳсилот» фаъолият дорам. Дастовардҳои бадастовардаам инҳоянд: 25-августи соли 2022 барои дастовардҳо дар самти илмҳои дақиқ ва риёзӣ ба Ҷоизаи давлатии Ҷумҳурии Тоҷикистон барои олимону омӯзгорони фанҳои табиатшиносӣ, дақиқ ва риёзӣ, ДИПЛОМИ №0019 ва мукофоти пулӣ, дар Қасри Миллат аз тарафи Президенти Ҷумҳурии Тоҷикистон ЭМОМАЛӢ РАҲМОН сарфароз гардидам. 21-марти соли 2023 дар рӯзи иди Наврӯзии Донишкада барои хизматҳои бисёрсолаи бенуқсон дар соҳаи маориф, саҳми арзанда дар таълиму тарбияи насли наврас, тайёр намудани кадрҳои болаёқат ва иштироки фаъолона дар ҳаёти ҷамъиятӣ аз 27.12.2022 с., №1810 бо нишони сари синагии Аълочии маориф ва илми Тоҷикистон ва Шаҳодатномаи № 7915 аз тарафи Вазири маориф ва илми Ҷумҳурии Тоҷикистон муҳтарам Р.Саидзода қадр карда шуд. 23-феврали соли 2025 дар рузи ҷашни Артиши миллӣ дар кафедраи ҳарбии Донишкадаи энергетикии Тоҷикистон, барои ҳамкориҳои судманд ва ба муносибати таҷлили ҷашни 31-умин солгарди таъсисёбии Қувваҳои Мусаллаҳи Ҷумҳурии Тоҷикистон, мувофиқи фармоиши Вазири Мудофиаи Ҷумҳурии Тоҷикистон аз 13.02.2025 с., №147 бо медали ҷашни “30-солагии Қувваҳои Мусаллаҳи Ҷумҳурии Тоҷикистон” ва Шаҳодатномаи № 3193, аз тарафи ВАЗИР генерал-полковник Шерали Мирзо сафароз гардидам. 30-апрели соли 2026 бахшида ба 35-солагии Истиқлолияти давлатии Ҷумҳурии Тоҷикистон ва таҷлили рӯзи илми тоҷик дар баргузории конференсияи байналмилалии Донишкада, барои пешрафт, хизмат ва саҳми арзанда гузоштан дар соҳаи энергетика бо фармоиши Вазири энергетика ва захираҳои оби Ҷумҳурии Тоҷикистон аз 30 апрели соли 2026 с., №13, бо медали сари синагии “Аълочии соҳаи энергетика” ва Шаҳодатномаи №25, аз тарафи худи Вазир Далер Ҷумъа сарфароз гардидам. Раҳимов Х.А. ________________ имзо
