Тарҷумаи ҳол
Бобохоҷаев Октам Икромович факултаи муолиҷавии Институти давлатии тиббии Тоҷикистон ба номи Абӯалӣ ибни Синоро дар соли 1983 хатм намуд. Дар солҳои 1987-1991 дар Институти илмию тадқиқотии иммунологияи клиникии Академияи илмҳои тиббии Иттиҳоди Шӯравии ш. Новосибирск ғоибона дар аспирантура таҳсил намуда, рисолаи номзади илми тибро бо тахассуси “Аллергология ва иммунология” дифоъ намудааст. Дар соли 1997 рисолаи доктори илмҳои тибро бо тахассуси “Пулмонология” дар Институти илмию тадқиқотии фтизиатрияи Ҷумҳурии Ӯзбекистон дифоъ намудааст. Дипломи доктори илмҳои тиб дар таърихи 22.09.2009 дар Хадамоти федералӣ оид ба назорат дар соҳаи маориф ва илми Федератсияи Руссия аз нострификатсия гузаронида шудааст. Солҳои 1996-1998 дар вазифаи ассистенти кафедраи бемориҳои дарунии таҳсилоти поликлиникии МДТ “ДДТТ ба номи Абӯалӣ ибни Сино” кор кардааст. Аз соли 2004 инҷониб дар кафедраи фтизиатрияи МДТ “ДДТТ ба номи Абӯалӣ ибни Сино” аввал дар вазифаи ассистенти кафедра, баъдан аз соли 2007 ба вазифаи дотсенти кафедраи мазкур ҳамчун корманди асосӣ интихоб гардид. Дар соли 2011 кафедраи фтизиатрия ба кафедраи фтизиопулмонология табдил дода шуд. Аз соли 2015 унвони илмии дотсент бо тахассуси “Фтизиатрия” дорад (Фармони Вазорати маориф ва илми ФР аз 26 ноябри соли 2015, №1462/нк-2). Аз 27 октябри соли 2016 ба вазифаи профессори кафедраи фтизиопулмонологияи МДТ “ДДТТ ба номи Абӯалӣ ибни Сино” интихоб гардидааст. Аз 1 апрели соли 2020 инҷониб аз 1,0 воҳиди корӣ ба 0,5 воҳиди корӣ дар вазифаи ишғолкардаи профессори кафедраи фтизиопулмонологияи МДТ “ДДТТ ба номи Абӯалӣ ибни Сино” гузаронида шудааст. Дар соли 2007 дар Донишкадаи таҳсилоти баъдидипломии кормандони соҳаи тандурустии Ҷумҳурии Тоҷикистон аз курси тахассусгирии аввалия бо ихтисоси «Силшиносӣ» гузаштааст. Дар соли 2013 дар Институти марказии илмию тадқиқотии бемориҳои сили Академияи илмҳои тиббии Руссияи ш. Москва такмили ихтисос гузашта (Шаҳодатномаи №2856), дорои Сертификати мутахассиси силшинос гаштааст (№0290180067131 аз 20.09.2013). Дар соли 2014 дар ДДТТ ба номи Абӯалӣ ибни Сино аз курси такмили ихтисоси педагогӣ гузаштааст. Дар соли 2018 дар ш. Ригаи Латвия аз омӯзиш дар мавзӯи «Идоракунии шаклҳи ба дору устуворӣ бемории сил» гузаштааст. Аз соли 2008 инҷониб Раиси Ассотсиатсияи фтизиопулмонологони Тоҷикистон ва ҳамзамон аъзои Раёсати ҷамъияти респиратории давлатҳои Аврупою Осиёи Марказӣ мебошад. Дониши хуб дошта, ба мутахассисони ҷавон таҷрибаи худро меомузонад. Бо иштироки ӯ конфронсҳои илмию амалӣ дар соҳаи силшиносӣ мунтазам ташкил ва дар сатҳи баланд гузаронида мешаванд. Фаъолияти таълимӣ-методии д.и.т., профессор Бобохоҷаев О.И. аз навиштан ва ворид намудани тағйиротҳо дар барномаҳои кории кафедра, тестҳо, навиштани китоби дарсӣ, дастурҳои методӣ, фишурдаҳо, мақолаҳо, тартиб додани модулҳо, тайёрӣ ва гузаронидани машғулиятҳои амалӣ ва лексионӣ иборат мебошад. Дар давоми фаъолияташ соатҳои барои профессор ба нақша гирифташударо пурра иҷро менамояд. Аз рўйи нақшаи тасдиқшудаи кафедра, дар машғулиятҳои амалии курси 5 факултети тиббӣ ва тибби профилактикӣ: таҳлили мавзўҳоро бо роҳи интерактивӣ мегузаронад, бо истифодаи тестҳо, масъалаҳои ситуатсионӣ, аксҳои рентгенӣ, муоинаи беморон ва машварати онҳоро ба донишҷўён меомўзонад. Дар курси 5 факултети тиббӣ ва тибби профилактикӣ лексияҳо дар мавзӯҳои асосии дурнамои ДОТС, тартиби дарёфт, усулҳои ташхисӣ, бемории ҳамрадифи сил ва ВНМО, назорати сироятии бемории силро мехонад. Аъзои Комиссияи байникафедравии тахассуси терапевтии МДТ “ДДТТ ба номи Абӯалӣ ибни Сино”, ду Шӯрои диссертатсионӣ оид ба вогиршиносӣ ва бемориҳои сироятӣ ва Шӯрои таҳририяи маҷаллаи «Паёми Сино» мебошад. Бобохоҷаев О.И. муаллифи 248 корҳои илмӣ буда, аз ҷумла 3 монография, 3 китоби дарсӣ, 5 дастурҳои таълимӣ барои донишҷӯён ва табибон, 36 дастурҳои таълимӣ-методӣ, 1 нахустпатент барои ихтироъ, 5 пешниҳодҳои ратсионалӣ, 59 мақола, ки 46-тоаш дар маҷаллаҳои аз ҷониби КОА назди Президенти Ҷумҳурии Тоҷикистон тақризшаванда чоп кардааст. Таҳти роҳбарии д.и.т., профессор Бобохоҷаев О.И. шаш номзади илми тиб рисолаашонро ҳимоя ва боз ду нафар аз апробатсия гузашта, рисолаҳои худро барои ҳимоя ба ДДТТ ба номи Абӯалӣ ибни Сино ирсол кардаанд. Дорандаи нишони Аълочии тандурустии Тоҷикистон ва Ифтихорномаҳои фахрии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Иттифоқи касаба ва Вазорати мудофиаи Ҷумҳурии Тоҷикистон мебошад. Бобохоҷаев О.И. дар кафедра мутасаддӣ оид ба корҳои илмӣ бо мавзӯи: «Сили ба доруҳои сершумор устуворшуда: клиника, табобат, роҳҳои пешгирии он» мебошад. Дар боздиди барномаи таълимӣ, ворид намудани усулҳои нави инноватсионӣ дар дарёфт, ташхис ва табобати бемории сил алалхусус шаклҳои ба доруҳои зиддисилӣ устувор, иштирок менамояд. Бобохоҷаев О.И. дар фаъолияти корӣ ҳамчун ташкилотчии тандурустӣ ва дар коллективи меҳнатӣ ҳамчун ҳамкори хуб нишон дода, дар байни кормандон ҳурмат, эҳтироми ягдигар ва ҳамдигарфаҳмӣ дорад. Тавсифнома барои иштирок дар озмун барои гирифтани ҷойи холии вазифаи мудири кафедраи фтизиопулмонология дода шудааст.
