Тарҷумаи ҳол
Ман, Аваззода Саҳбо Аваз, 15 марти соли 1993 дар ноҳияи Зафаробод, ҷамоати деҳоти Равшан, дар оилаи коргар таваллуд шудаам. Соли 2000 қадамҳои нахустини худро ба Муассисаи таҳсилоти миёнаи умумии №12 ба номи Нурулло Нурудинов, воқеъ дар ноҳияи Зафаробод, гузоштам. Соли 2011 муассисаи мазкурро бо баҳои хубу аъло хатм намудам. Ҳамон сол ҳуҷҷатҳои худро ба Донишгоҳи давлатии Хуҷанд ба номи академик Бобоҷон Ғафуров, ба факултети шарқшиносӣ супорида, ба донишгоҳи мазкур дохил шудам. Соли 2016 донишгоҳро аз рӯйи ихтисоси «Филолог-шарқшинос» хатм намудам. Пас аз хатми донишгоҳ ба шуъбаи маорифи ноҳияи Зафаробод муроҷиат намуда, бо роҳхати шуъбаи маориф ба ҳайси омӯзгори забон ва адабиёти тоҷик дар Муассисаи таҳсилоти миёнаи умумии №8 ба фаъолияти омӯзгорӣ оғоз намудам. Моҳи сентябри соли 2017 ба вазифаи директори Муассисаи таҳсилоти миёнаи умумии №8 таъйин гардидам. Моҳи апрели соли 2018 бо тартиби гузариш ба вазифаи директори Муассисаи таҳсилоти миёнаи умумии №3 таъйин шудам. Моҳи декабри соли 2019 бо тартиби гузариш ба шуъбаи маорифи ноҳияи Зафаробод ба ҳайси мушовир ба кор гузаштам. Соли 2021 Муассисаи давлатии таълимии «Донишгоҳи давлатии ҳуқуқ, бизнес ва сиёсати Тоҷикистон»-ро аз рӯйи ихтисоси 1240102 – «Ҳуқуқшинос» хатм намудам. Соли 2025 фаъолияти меҳнатии худро дар Муассисаи давлатии таълимии «Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд» ба ҳайси мутахассиси шуъбаи таҳсилоти дуалӣ ва алоқа бо истеҳсолот оғоз намудам. Соли 2026 таҳсилро дар зинаи магистратураи Муассисаи давлатии таълимии «Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд» аз рӯйи ихтисоси 124010300 - «Ҳуқуқи иқтисодӣ» бомуваффақият ба анҷом расонидам.
