Тарҷумаи ҳол
ҚАМАРИДДИНЗОДА Заррина Нусратулло (12.04.1980, шаҳри Душанбе), миллаташ тоҷик, маълумоташ олӣ. Пас аз хатми мактаби миёнаи рақами 5-и шаҳри Душанбе соли 1997 ба факултаи математика, шуъбаи математика-информатикаи Донишгоҳи давлатии омӯзгории Тоҷикистон (хамон замон ба номи Қандил Шарифович Ҷӯраев) дохил шуда, соли 2001 зинаи бакалаврро хатм намуд. Қамариддинзода З.Н. аз соли аввали кориаш то ҳол худро ҳамчун корманди фаъол нишон дода, дар ҳамаи корҳои ҷамъиятии донишгоҳ ва факултет фаъолона иштирок кардааст. Дар байни кормандони факултет ва донишгоҳ обрӯю эътибори калон дорад. Тамоми супоришҳои аз тарафи Раёсати донишгоҳ, факултет, ки ба вай супорида мешаванд, сари вақт ба пуррагӣ ба сомон мерасонад. Дар айни ҳол дарсҳои лексионӣ, амалӣ ва таҷрибавиро аз фанҳои алгебра ва назарияи ададҳо, мантиқи математикӣ ва системаҳои адавдӣдар сатҳи баланд бо истифода аз воситаҳои муосири технологии таълим ва маводи мултимедӣ мебарад. Қамариддинзода З.Н. муаллифи як китоби дарсӣ, зиёда аз 60 мақолаҳои илмӣ ва якчанд дастури таълимӣ-методӣ мебошад. Инчунин дар таҳияи барномаҳои таълимӣ аз фанҳои алгебра ва назарияи ададҳо, мантиқи математикӣ, системаҳои ададӣ, назарияи эҳтимолият ва омори математикӣ, математикаи дискретӣ барои донишҷӯёни ихтисосҳои “Математика”, “Математика - информатика”, “Математика-физика” дар Донишгоҳ саҳми арзанда дорад. Аз сентябри соли 2001 то июли соли 2003 дар шуъбаи магистратураи донишгоҳ таҳсил намуда, назди кафедраи таҳлили математикӣ, зери роҳбарии доктори илмҳои физика-математика, профессор Каримова Муҳаббат Маъмуровна оиди мавзӯи “Теоремаҳои тауберии бақиядор бо миёнаҳои Рисс” рисолаи магистриашро хатм намудааст. Солҳои 2003-2006 аспиранти кафедраи таҳлили математикӣ буда, таҳти роҳбарии доктори илмҳои физика-математика, профессор Каримова Муҳаббат Маъмуровна корҳои илмиашро пеш мебурд. Аз соли 2006 то соли 2009 дар кафедраи тахлили матемактикӣ ҳамчун муаллими калон кору фаъолият дошт. Аз соли 2009 то соли 2015 дар кафедраи математикаи олӣ ва информатикаи Донишгоҳи Технологии Тоҷикистон ба сифати муаллими калон кор мекард. Аз соли 2015 то соли 2016 дар кафедраи математикаи Донишгоҳи Давлатии Славянии Руссияву Тоҷикистон бар ҳайси мауллими калон фаъолият менамуд. Аз моҳи сентябри соли 2016 то моҳи сентябри соли 2022 дар кафедраи алгебра ва назарияи ададҳои ДДОТ ба номи Садриддин Айнӣ ба ҳайси мудири кафедра кору фаъолият менамуд. Сипас аз моҳи сентябри соли 2022 то моҳи марти соли 2023 ҳамчун дотсенти кафедра кору фаъолият намудааст. Ҳоло бошад, аз таърихи рӯзи 09.03.2023с. дар вазифаи ҷонишини декан оид ба илм кору фаъолият намуда истодааст. Аз соли 2007 то 2015 дар шуъбаи алгебра ва назарияи ададҳои институти математикаи ба номи А.Ҷӯраеви Академияи Илмҳои Ҷумҳурии Тоҷикистон дар зери роҳбарии доктори илмҳои физика-математика, узви вобастаи АИ ҶТ, профессор Раҳмонов З.Ҳ. корҳои илмиашро давом додааст. Моҳи июни соли 2015 дар мавзӯи “Средние Рисса арифметических функций, распространенных на значения тернарной кубической формы” рисолаи номзадиашро дифоъ намудааст. Ҳоло бошад рисолаи докториашро интихоб карда аз паи таҳқиқоти илмӣ мебошад. Дастовардҳои илмӣ ва илмӣ-методии Қамарадинова З.Н. дар маҷалаҳои ватанӣ ва берун аз он ба табъ расида истодаанд. Ас.: 1. Китоби дарсӣ оид ба “Назарияи қаторҳо” барои донишҷӯёни шӯъбаи рӯзонаи факултаҳои математика ва физика, инчунин барои донишҷуёне, ки тариқи шакли таҳсили фосилавӣ, ки аз соли хониши равон ба роҳ монда шудааст ва инчунин барои донишҷӯёне, ки дар шӯъбаи ѓоибона таҳсил менамоянд. Душанбе – 2019с., 184 саҳ. 2. Монография «Средние Рисса арифметических функций на значениях тернарных кубических форм и их асимптотические оценки» («Миёнаҳои Рисси функсияҳои арифметикӣ дар қиматҳои формаҳои кубии тернарӣ ва баҳои асимптотикии онҳо»). Душанбе – 2026с., 120с. 3. Китоб (Васоити таълимӣ) барои донишҷӯёни факултетҳои математика ва физика “Асосҳои алгебраи олӣ”. ДДОТ ба номи Садриддин Айнӣ. Душанбе – 2026с., 470 саҳ.
