Тарҷумаи ҳол
Атоев Муҳаммадиршод Ҳизбуллоевич 12. 09.1987 дар ш. Панҷакент таваллуд шудааст. Баъди хатми Донишгоҳи давлатии Хуҷанд ба номи академик Б. Ғафуров аз рӯйи ихтисоси «Эколог, муаллими экология» соли 2010 ба шўъбаи рўзонаи аспирантураи Институти ботаника, физиология ва генетикаи растании Академияи миллии илмҳои Тоҷикистон дохил шудааст. Аз соли 2010 то соли 2013 оид ба мавзўи рисолаи номзадиаш корҳои таҷрибавӣ гузаронида, натиҷаҳои илмӣ ба даст оварда, рисолаи номзадиашро моҳи сентябри соли 2018 бомуваффақият ҳимоя намуда, сазовори дараҷаи илмии номзади илмҳои биологӣ гаштааст. Атоев М.Ҳ. аз моҳи сентябри соли 2022 то ба ҳол ба сифати номзади илмҳои биологӣ, муаллими калон ва аз соли 2024 и.в. дотсенти кафедраи илмҳои табиатшиносӣ ва риёзии Академияи идоракукнии давлатии назди Президенти Ҷумҳурии Тоҷикистон фаъолияти хуб намуда истодааст. Мавсуф зиёда аз 16 сол таҷрибаи кории илмию омўзгори дорад. Соли 2018 рисолаи номзадиашро бомуваффақият ҳимоя намудааст. Солҳои 2012-2013 дар асоси озмун гирандаи стипендияи Президенти Ҷумҳурии Тоҷикистон буда, дорандаи Ҷоиза ва Дипломи Академияи миллии илмҳои Тоҷикистон барои олимони ҷавон дар соҳаи илмҳои биологӣ ва тиббӣ мебошад. Номбурда мувофиқи ихтисосаш аз фанни экология дар гурўҳҳои академӣ бо забонҳои тоҷики, русӣ ва англисӣ дарс дода истодааст. Атоев М.Ҳ. муаллифи дастурҳои таълимӣ аз фанни «Экология» ва «Асосҳои экология» мувофиқ ба ихтисосҳои гуманитарии Академия мебошад. Дастури таълимии мазкур дар партави амалишавии «Бистсолаи омўзиш ва рушди фанҳои табиатшиносӣ, дақиқ ва риёзӣ дар соҳаи илму маориф, солҳои 2020-2040» таҳия гардидааст. Дастурҳои мазкур аз тарафи олимони соҳа – муҳаррир ва муқарризон баҳои мусбат гирифтааст, барои таълим тавсия дода шуда, ба нашр расидаанд. Инчунин, муаллифи Барномаи таълими аз фанни «Экология» (барои донишчўёни Академия бо се забон) мебошад. Ҳамзамон, муаллифи зиёда аз 100 корҳои илмии нашршуда, аз ҷумла 23 мақолаи илмӣ дар маҷаллаҳои бонуфузи илмии дохилию хориҷӣ ва зиёда аз 70 фишурдаи маърўзаҳои илмӣ дар конференсияҳои ҷумҳуриявию байналмилалӣ ва зиёда аз 20 мақолаҳои илмию оммавӣ мебошад. Ҳамзамон, номбурда роҳбари семинари илмӣ-назаривии назди кафедра буда, дар конференсияиҳою семинарҳои дохилию беруна, мизҳои мудаввар, дарсҳои кушод, дарсҳои ҳамдигардароӣ фаъолона иштирок менамояд ва бо кормандон муносибати хуб дошта, ба корҳои ҷамъиятӣ низ саҳмгузор мебошад.
