Тарҷумаи ҳол
Насруллозода Муҳаммад Нурулло, номзади илмҳои филологӣ, дотсенти кафедраи назария ва амалияи забоншиносии Донишгоҳи байналмилалии забонҳои хориҷии Тоҷикистон ба номи Сотим Улуғзода. Мавсуф санаи 07.02.1982 дар оилаи зиёӣ ба дунё омадааст. Соли 2006 Донишгоҳи миллии Тоҷикистонро бо ихтисоси филолог-ҳуҷҷатнигор хатм кардааст. Солҳои 2007-2009 аспиранти кафедраи таърихи забон ва типологияи ДМТ буд. Ҳамзамон (солҳои 2008-2010) ба сифати рӯзноманигор дар нашрияи расмии Ҳукумати Ҷумҳурии Тоҷикистон - рӯзномаи "Ҷумҳурият" фаъолият дошт. Аз соли 2010 ба Донишкадаи давлатии забонҳои Тоҷикистон ба номи Сотим Улуғзода (ҳоло Донишгоҳи байналмилалии забонҳои хориҷии Тоҷикистон ба номи Сотим Улуғзода) ба ҳайси омӯзгор ба фаъолият пардохт. Соли 2010 рисолаи номзадиашро ҳимоя кард. Як муддат мудири кафедраҳои филологияи англис (с. 2011-2012), забонҳои Осиёи Ҷанубу Шарқӣ (с. 2016), муҳаррири рӯзномаи "Паёми донишҷӯ" (с. 2011) буд. Аз соли 2012 инҷониб дотсенти кафедраи забони тоҷикӣ (ҳоло назария ва амалияи забоншиносӣ) мебошад. Солҳои 2012-2021 роҳбари маҳфили "Забоншинос"-и кафедра буд. Солҳои 2022-2024 докторанти Донишгоҳ буд. Мавсуф бо чандин Ифтихорномаву Сипосномаҳо мушарраф гардидааст. Шуғли дӯстдоштаи ӯ велосипедронӣ, саёҳат, футбол ва мусоҳиба бо олимону адибон мебошад.
