Тарҷумаи ҳол
АЛАМШОЗОДА ФАРИДУН АЛАМШО ‒ муовини ректор оид ба илм ва инноватсияи ДОТ дар ноҳияи Рашт, номзади илмҳои ҳуқуқшиносӣ, дотсент Аламшозода Фаридун Аламшо – 6 марти соли 1996 дар деҳаи 25-солагии Тоҷикистони ноҳияи Фархор таваллуд шуда, соли 2014 МТМУ №20-и ноҳияи Фархор, соли 2019 факултети ҳуқуқшиносии ДМТ, соли 2023 факултети психологияи Донишгоҳи Синергияи Федератсияи Русияро хатм кардааст. Дар чунин вазифаҳо кору фаъолият намудааст: солҳои 2019-2021 – ассистенти кафедраи ҳуқуқ ва методикаи таълими они ДОТ дар ноҳияи Рашт; солҳои 2019-2020 – мутахассиси шуъбаи 2-юми ДОТ дар ноҳияи Рашт; солҳои 2020-2023 – котиби Шурои олимони ДОТ дар ноҳияи Рашт; солҳои 2020-2023 – ёвари ректори ДОТ дар ноҳияи Рашт; солҳои 2021-2023 – муалими калони кафедраи ҳуқуқ ва идораи давлатии ДОТ дар ноҳияи Рашт; соли 2023 – и.в. декани факултети педагогика ва варзиши ДОТ дар ноҳияи Рашт; солҳои 2023-2024 – мудири кафедраи психологияи ДОТ дар ноҳияи Рашт; солҳои 2023-2024 – дотсенти кафедраи психологияи ДОТ дар ноҳияи Рашт; солҳои 2024-2026 – дотсенти кафедраи ҳуқуқ ва идораи давлатии ДОТ дар ноҳияи Рашт; аз сентябри соли 2025 то инҷониб – муовини ректор оид ба илм ва инноватсияи ДОТ дар ноҳияи Рашт; аз соли 2026 то инҷониб – дотсенти кафедраи ҳуқуқи хусусии ДОТ дар ноҳияи Рашт. Солҳои 2020-2023 – унвонҷӯи факултети ҳуқуқшиносии ДМТ буда, санаи 28.01.2023 рисолаи номзадиашро дар мавзуи «Ҳифзи ҳуқуқи инсон аз зарари маънавӣ: таҳқиқоти таърихӣ-ҳуқуқӣ ва назариявӣ-ҳуқуқӣ» зери роҳбарии доктори илмҳои ҳуқуқшиносӣ, профессор У.А. Азизода дар Шурои диссертатсионии 6D.КОА.018-и назди ДМТ ҳимоя намуда, 21 июни соли 2023 бо қарори КОА-и назди Президенти Ҷумҳурии Тоҷикистон, №152 бо дараҷаи илмии номзади илмҳои ҳуқуқшиносӣ сарфароз гардонида шудааст. Муаллиф ва ҳаммуаллифи бш аз 150 маводи илмӣ-тадқиқотӣ, таълимӣ-методӣ ва илмӣ-оммавӣ мебошад. Аз ҷумла, 8 воситаи таълимӣ, 5 монография, 24 мақолаи илмӣ дар маҷаллаҳои тақризшавандаи тавсиянамудаи КОА-и назди Президенти Ҷумҳурии Тоҷикистон, 35 мақолаи илмӣ дар нашрияҳои дигар, 28 мақола дар маводи конференсияҳои ҷумҳуриявию байналмилалии дохилӣ ва хориҷӣ, 39 мақолаи илмӣ-оммавӣ, 6 барномаи таълимӣ, 2 тақриз ба автореферат ва 1 тақриз ба диссертатсияи номзадӣ ва ғайра. Бо чунин мукофотҳо қадрдонӣ гардидааст: соли 2014 – шаҳодатнома ва нишони сарисинагии «Соҳибватан» аз ҷониби мақомоти иҷроияи ҳокимияти давлатии ноҳияи Фархор; соли 2024 – шаҳодатнома ва нишони сарисинагии «Аълочии маориф ва илми Тоҷикистон» аз ҷониби Вазорати маориф ва илми Ҷумҳурии Тоҷикистон; соли 2026 – шаҳодатнома ва медали 15-солагии ташкилоти ҷамъиятии “Сипари Сулҳ”; солҳои 2009-2013 – бо сипоснома ва ифтихорномаҳои МТМУ №20-и ноҳияи Фархор; соли 2011-2013 – бо ифтихорномаҳои шуъбаи маорифи ноҳияи Фархор; солҳои 2012-2014 – бо ифтихорномаҳои ва медали тилои Раёсати маорифи вилояти Хатлон; солҳои 2015-2019 – бо ифтихорномаҳои факултети ҳуқуқшиносии ДМТ; соли 2014 – бо ифтихорнома ва медали биринҷии Вазорати маориф ва илми Ҷумҳурии Тоҷикистон; солҳои 2019-2026 – бо сипосномаҳои Донишкадаи омӯзгории Тоҷикистон дар ноҳияи Рашт; соли 2021 – бо сипосномаи Кумитаи кор бо ҷавонон, варзиш ва саёҳии назди Ҳукумати Ҷумҳурии Тоҷикистон; соли 2025 – бо сипосномаи Кумитаи иҷроияи Ҳизби Халқии Демократии Тоҷикистон дар ноҳияи Рашт; соли 2026 – бо ифтихорномаи Вазорати маориф ва илми Ҷумҳурии Тоҷикистон. Бо ташаббуси ӯ маҷаллаи илмии “Паёми Донишкадаи омӯзгории Тоҷикистон дар ноҳияи Рашт. Бахши илмҳои ҳуқуқ, таърих ва иқтисод” соли 2024 таъсис дода шуда, соли 2026 дар Шохиси иқтибосоварии илмии Русия (РИНЦ) шомил гардида, моҳи сентябри соли 2026 ҳуҷҷатҳояш ба КОА-и назди Президенти Ҷумҳурии Тоҷикистон ҷиҳати ворид шудан ба феҳристи маҷаллаҳои тақризшаванда пешниҳод гардидааст. Аз соли 2024 инҷониб котиби масъули маҷаллаи мазкур мебошад. Аламшозода Фаридун Аламшо беш аз 7 сол собиқаи кории илмию омӯзгорӣ дорад. Оиладор, соҳиби як фарзанд.
