Тарҷумаи ҳол
Ман Ализода Нозим Нумон баъди бомуваффақият хатм намудани Донишгоҳи аграрии Тољикистон ба номи Ш. Шоҳтемур соли 2008 бо гирифтани дипломи аъло заминсозӣ сарфароз гардидам. Ман фаъолияти корӣ: аз соли 2003 то 2008 донишҷӯйи Донишгоҳи аграрии Тоҷикистон ба номи Ш.Шоҳтемур буд. Аз соли 2008 то 2013 муҳандиси ИЛТ “Фазо” ва дар ҳамин давра ҳамчун ассистенти кафедраи заминсозӣ ҳам кор кардааст. Аз соли 2010 ба аспирантураи ҳамин донишгоҳ хонда онро соли 2015 хатм намудааст. Дар солҳои (2012‒2015) муовини декан оид ба таълим дар факултет гидромелиоративӣ кор кардааст. Аз соли 2015 то ҳоло омӯзгори кафедраи идораи замин ва кадастр кор ва фаъолияти илмӣ педагогӣ карда истодааст. Дар соли 2022 рисолаи номзадиро дар шаҳри Москва бо мувафақият ҳимоя намуд. Аз сентябри соли 2023 иҷрокунандаи вазифаи мудири кафедраи идораи замин ва кадастр мебошам. Муаллифи 40 мақолаи илмӣ дар соҳаҳои заминсозӣ, кадастр ва мониторинги замин 2 китоби дарсӣ ва 4 дастури таълимӣ мебошад. Ализода Н.Н. дар давоми фаъолияити худ маҳороати омузгории худро дар Ҷумҳуриҳои Узбекистон, Қирғизистон, Руминия,Ҷумҳурии халқии Чин такмил додааст. Дар фаъолияти меҳнатиаш тавонистааст кордонӣ, масъулиятшиносӣ ва муносибати ҷиддӣ нисбат ба иҷрои вазифаи дар наздаш гузошташуда нишон диҳад. Дар вазифаи ба ӯҳдадоштаи худ бо масъулияти баланд кор мекунад, доимо оид ба пешрафти корҳои илмӣ-тадқиқотии факултет ва донишгоҳ саъю кӯшиш менамояд, ки инро аҳли коллектив ба хуби эҳсос намудаанд. Дар чорабиниҳои ҷамъиятии донишгоҳ ва маҳфилҳои илмӣ фаъолона иштирок менамояд. Сифате, ки ӯро аз дигарон ҷудо менамояд, ин хоҳиши зиёд, майлу рағбат ва кӯшиши ӯ барои донистани ҳамагуна навгониҳои соҳаи иқтисод мебошад. Барои фаъолияти илмӣ-педагогии чандинсола ва самаранокаш Ализода Нозим Нумонро бо медали сарисинагии “240‒ солагии таъсисёбии Донишгоҳи давлатии Заминсозӣ” ‒и Федератсияи Россия -2019, Ифтихорномаи Кумитаи Давлатии идораи замин ва геодезии Ҷумҳурии Тоҷикистон (2016-2022), Ифтихорномаи Донишгоњи аграрии Тољикистон ба номи Шириншоҳ Шоҳтемур барои фаъолияти пурсамар дар тайёр намудани мутахассисони баландпояю бофарҳанги муҷтамеи агросаноатӣ ба муносибати 90-солагии таъсисёбии Донишгоҳи аграрии Тоҷикистон ба номи Шириншоҳ Шоҳтемур (соли 2021) сарфароз гардидааст.
