Тарҷумаи ҳол
Маликов Абдулвоҳид хатмкардаи ДДОТ ба номи С.Айнӣ (соли 2001), Аз 13-уми июни соли 2014 то 05-уми сентябри соли 2014 дар шаҳри Ҳайдарободи давлати Ҳиндустон курси такмили ихтисосро аз фанни забони англисӣ бо дипломи аъло хатм намудааст. Дар баробари фаъолияти омӯзгорияш ҳамчун раиси кумитаи иттифоқи касабаи факултети забонҳои романӣ-германӣ низ кору фаъолият намудааст. Номбурда аз рӯзҳои аввали корияш дар курсҳои гуногун аз фанҳои АНШХ, Фонетика, Грамматика, Лаҳҷашиносӣ, Услубшиносӣ, Типологияи қиёсӣ, Таҳлили синтаксисии забон, Шарҳи матн ва Фразеологизмҳои забони франсавӣ дарс мегуяд. Маликов Абдулвоҳид пайваста дар талоши баланд бардоштани дониши хеш мебошад. Аз ин хотир дар мавзӯи «Таҳлили семантикию муқоисавии сифатҳои аслӣ дар забонҳои тоҷикию франсавӣ» рисолаи номзадӣ ҳимоя намудааст. Мазкур беш аз 50 мақолаи илмӣ, 2 китоби дарсӣ, 2 луғати фаронсавӣ-тоҷикӣ, фарҳанги тасрифи феълҳои забони фаронсавӣ ба табъ расонида, аксариаташон дар маҷаллаҳои тақризшаванда ба табъ расидаанд. Аз соли 2016 то соли 2018 дар вазифаи муовини декан оид ба корҳои таълими факултети забонҳои романӣ-германии Донишгоҳи давлатии омӯзгории Тоҷикистон ба номи Садриддин Айнӣ кору фаъолият намуда, соли таҳсили 2018-2019 дар маркази бақайдигирӣ ва машваратии ДДОТ ба номи Садриддин Айнӣ ба ҳайси мушовири академӣ-эдвайзери факултет кору фаъолият намудааст. Аз 01-уми сентябрисоли 2019 то соли 2022 дар вазифаи мудири кафедраи услубшиносӣ ва назарияи тарӌумаи забонҳои хориӌӣ (забони франсавӣ ва олмонӣ) кору фаъолият кардааст. Аз соли 2022 то ҳол дар вазифаи дотсенти кафедраи забони франсавӣ кору фаъолият дорад. Омӯзгор Маликов Абдулвоҳид Расулҷонович, оиладор ва соҳиби се фарзанд мебошад.
