Тарҷумаи ҳол
БОБОКАЛОНОВ Тоҷиддин Баротмаҳмадович 28-уми майи соли 1989 дар деҳаи Меҳнатободи ҷамоати деҳоти Ғалаободи ноҳияи Хуросони вилояти Хатлон таваллуд шудааст. Маълумоти ибтидоӣ ва миёнаро дар МТМУ-и №8-и деҳаи Меҳнатободи ноҳияи Хуросон гирифта, онро бо баҳои хубу аъло соли 2007 хатм намуда, Худи ҳамон сол (2007) ҳуҷҷатҳояшро ба факултети химияи Донишгоҳи давлатии миллии Тоҷикистон (ҳоло Донишгоҳи миллии Тоҷикстон) супорида, донишҷӯи ихтисоси 01100-химияи факултети химияи ДМТ гардид. Дар давраи донишҷӯӣ асосан бо баҳои аъло таҳсил намуда, дар корҳои ҷамъиятии факултет ва донишгоҳ фаъолона иштирок мекард. Дар давраи донишҷӯӣ ду маротиба бо ифтихорномаи факултет барои “Хониши аъло, рафтори намунавӣ ва иштироки фаъол дар корҳои ҷамъиятӣ” қадрдонӣ шудааст. Донишгоҳро соли 2012 бо касби “Химик. Муаллим” бо дипломи “Аълочӣ” хатм намудааст. Фаъолияти кориашро аз даврони донишҷӯӣ оғоз намудааст: солҳои 2009-2012 лаборант-маъдангудози «Лабораторияи марказӣ»-и Саридораи геологияи назди ҳукумати Ҷумҳурии Тоҷикистон, солҳои 2011-2012 омӯзгори фанни химияи МТМУ-и №79-и ноҳияи Шоҳмансури шаҳри Душанбе; солҳои 2012-2021 ассистенти кафедраи химияи таҳлилии факултети химияи Донишгоҳи миллии Тоҷикистон; солҳои 2015-2016 ба тариқи ҳамкор омӯзгори фанни химияи МТМУ-и №23-и ноҳияи Шоҳмансури шаҳри Душанбе; солҳои 2017-2019 ба тариқи ҳамкор омӯзгори фанни химияи МТМУ-и №17-и ноҳияи Фирдавсии шаҳри Душанбе; аз соли 2014 то 2018 аспиранти шуъбаи ғоибонаи факултети химияи Донишгоҳи миллии Тоҷикистон; солҳои 2015-2021 мутасадии маҳфили илмии донишҷӯёни кафедраи химияи таҳлилӣ бо номи «Аналитик»; солҳои 2018-2021 котиби илмии кафедраи химияи таҳлилии факултети химияи ДМТ; солҳои 2018-2021 роҳбари ҶИД-и факултети химияи ДМТ; солҳои 2016-2021 ба таври ҳамкор ходими хурди илмӣ ва баъдан лаборанти калони ИИТ ДМТ; аз 17.03.2021 то 27.08.2022 мушовири академии дараҷаи дуюм дар шуъбаи рӯзонаи факултети химияи ДМТ (бо нигоҳдошти 0,5 ҳисса ассистенти кафедраи химияи таҳлилӣ); аз соли 2022 то 01.09.2023 номзади илмҳои химия, ассистенти кафедраи химияи таҳлилии факултети химияи ДМТ; аз 27.08.2022 то 01.11.2023 дар вазифаи мушовири академии дараҷаи якум дар шуъбаи рӯзонаи факултети химия (бо нигоҳдошти 0,5 ҳисса номзади илмҳои химия, муаллими калони кафедраи химияи таҳлилӣ) ҳамзамон дар ин давра аз 01.09.2023 то 01.10.2023 дар вазифаи и.в. декани факултети химия; аз соли 2022 то 25.04.2024 номзади илмҳои химия, муаллими калони кафедраи химияи таҳлилии факултети химияи ДМТ; аз 01.11.2023 то 25.04.2024 иҷрокунандаи вазифаи мудири кафедраи химияи таҳлилии факултети химияи ДМТ; аз 26.04.2024 то инҷониб иҷрокунандаи вазифаи дотсенти кафедраи химияи таҳлилии факултети химияи ДМТ, аз 01.09.2024 то инҷониб раиси Шурои илмию методии факултети химия ва аз 26.04.2024 то инҷониб дар вазифаи мудири кафедраи химияи таҳлилии факултети химияи ДМТ кор ва фаъолият карда истодааст. Самти корҳои илмияш асосан дар мавзӯи “Химияи пайвастагиҳои комплексӣ” мебошад. Рисолаи номзадиашро соли 2021 дар мавзӯи “Пайвастҳои комплексии оҳан(III) бо тиосемикарбазид ва 1-формил-3-тиосемикарбазид” ҳимоя намудааст. Муаллифи зиёда аз 40 мақолаю фишурдаи мақолаҳо, 2 дастури таълимӣ, 2 воситаи таълимӣ ва 1 монографияи илмӣ мебошад. Бо ифтихорномаҳои ДМТ ва факултети химия сарфароз шудааст. Солҳои 2014, 2017, 2019, 2021, 2026 аз курси такмили ихтисос ва бозомӯзии МТОК назди ДМТ, соли 2018 аз курси такмили ихтисоси муассисаи давлатии “Донишкадаи ҷумҳуриявии такмили ихтисос ва бозомӯзии кормандони соҳаи маориф” доир ба “Татбиқи муносибати босалоҳият дар фанҳои табиӣ ва технологияи информатсионӣ”, соли 2023 аз курси кутоҳмудати “Обеспечению качества химических лабораторий” (General practices of laboratory quality management) аз ҷониби давлати Финландия ташкил карда шуда буд ва солҳои 2025, 2026 аз семинари ширкати DistriTech гузашта, соҳиби дипломҳо ва сертификат гаштааст. Бобокалонов Т.Б. зиёда аз 15 сол собиқаи омӯзгорӣ дорад. Ӯ дар тули фаъолияташ ба донишҷӯёни факултетҳои химия, тиббӣ, фарматсевтӣ, геология, биология ва физика дарсҳои лексионӣ, амалӣ ва лабораториро бо маҳорати хуби педагогӣ мегузаронад.
